Aseḥbiber fellas d tigejda n tegmi yettdumun: Uguren n twennaḍt

30

Tawennaḍt d tagruma n yiferdisen i as-d-yezzin i umdan, sdakkalent amaḍal, am uzwu, aman, tignewt, adɣaɣ,  iɣersiwen, tiẓegwa… Tawennaḍt tegrareb aṭas, ladɣa deg yiseggasen-a ineggura. Timentelt n waya d amdan imi yuɣal d imsegrireb n twennaḍt. Deg yiseggasen-a ineggaru, aseḥbiber n twennaḍt yuɣal deg tlemmast n tsertit, d netta i yuɣalen d asenfar meqqren, acku timura n umaḍal, ur bɣint ara ad dduklent ɣef yiwen n rray…  Gar temsal n usegrireb n twennaḍt ad d-naf tadamsa. Tekcem deg tlemmast n tudert n umdan, tesluɣ lebɣi n kra tdukkliwin yerran tamuɣli-nsent ɣer twennaḍt uɣalen yisenfaren-nsen d ugur ameqqren. Acku wid yeṭṭffen tadamsa deg umaḍal tiṭ-nsen d tadrimt mačči d tawennaḍt.

Uɣalen lweznawat kecmen talemmast n temdinin aman-sen yumsen teddun deg yal amkan glan-d swaṭas n lexsara. Daɣen lefwar n lweznawat yekcem tignawt, yegla-d s ucerrig deg tbessast n Ozone, dɣa ideflawen n yisegrisen n usfaylu, ad rennun deg fessi. Aya, yegla-d s walluy n waman n yilel, dɣa ad yečč aṭas seg wakal yekkawen deg yiseggasen i d-iteddun. Ugur-nniḍen , d lpitrul i yuɣalen d tamacint n tedrimt. Anda ma nedda deg tmurt-nneɣ, nettwali iḍuman deg yal tama “ icekkaren, tiqerɛatin n waman, d lgazuz, d yiẓman”. Maɛna anisi i d-yekka waya? Yekka-d seg umdan imi ur ixeddem ara aḥezzib. Ur yefki ara azal i cbaḥa n twennaḍt-is. Tella daɣen ttrebga ixusen d tin i d-nettaḥwaj ama deg twacult, neɣ deg uɣerbaz. Aseḥbiber ɣef twennaḍt, d tigejda n tegmi yettdumun. Iwakken ad nessiḥbiber ɣef twennaḍt ilaq ad nexdem imukan iwulmen i uḍegger n wammus-nneɣ.

 

Comments
Loading...