At Smaεel: Ass n usileɣ ɣef lebni n yimussa

8

Asqamu aɣerfan n tɣiwant n At Smaεel s lemεiwna n AGURA s lmendad n tisbeddit “Konrad Adenauer”, thegga-d ass n usileɣ ɣef lebni n yimussa, i yeḍran deg tzeqqa n unejmuε n tɣiwat n At Smaεel ɣef tarrayin ara neḍfer deg amussu n yal taɣult.

Aṭas n tdukkliwin i yekkin deg usileɣ-a. Iswan seg temlilit-a amek ad nessali amussu deg yal taɣult, akked yiswan-is ara d-yuɣalen s lfayda ɣef yimdanen akked tmetti. Asileɣ-a idum ass d akemmali.

Deg tnezzayt ɣef tis tẓa n tsebḥit aqeddic yebda s tarrayt n usileɣ, tangarut-a tebḍa ɣef sin n yiḥricen d igejdanen; deg tazwara yella-d usuter sɣur temsileɣt deg yimekkiyen ad senfalin s tira, akk iswan ssaramen ad awḍen ɣer ɣur-sen deg usileɣ-a. Imekkiyen-a d yiεeggalen n tdukkliwin i qeddcen deg unnar deg yal taɣult. Yal aεeggal yenna-d, yura-d akk iswan yesεa deffir n usileɣ-a. Tikli tis snat yella-d ufraq n yisental yimxalafen deg yal aḥric. Isental-a ttwabḍan ɣef sin yiḥricen d igejdanen, llan wid i yettwajerden deg uḥric n usnerni, ma yella d tuget n yisental-nniḍen ttwajerden deg uḥric n uḥuddu n tmentilt “Plaidoyer”. Aqeddic yella-d d igerwan yal agraw yeṭṭef asentel iwakken ad inadi ɣef yifuklan akken ad yeqdec ɣef usentel-nni.

Tameddit yella-d ufran n yiwen n usentel, yesεan azal d ameqqran deg lebni n umussu. Asqerdec n usentel yella-d s yiwet n tarrayt yeččuren d tigawin. Deg tazwara d tukksa n tmukrist, syin d anadi ɣef tmental i yellan deffir n wugur, daɣen inalkamen akked laεyub i d-yetteffaɣen deffir n tuǧǧa n useqdec n usaḍuf-a. Deg taggara d tikli d unadi ɣef merra n yiberdan ara aɣ-n-yessuffɣen ɣer tifrart n wuguren.

Akken yebɣu yili umussu, ilaq ad yebnu ɣef yiswan, syin yettili-d unjar n uɣawas n ubrid yettawin ɣer yiswan i d-yettwanejren.

A. I 

Comments
Loading...