Kabylie Tamazight Une

Bgayet : Asunded amatu deg Tichy

Ecrit par Amaziɣ Illeli

Tanezzayt n wass-a uqbel ad tebdu tikli tamelwayt i d-ssuddsen yimezdaɣ mgal tikkin n tis semmus n Butefliqa. Imsenzayen n temdint n Tichy gan yiwet n tigawt s wazal-is imi ula d nutni ttwaḥzen s temḥeqranit n udabu deg wayen yerzan tabzert, daɣen ttwalin s tmuɣli lqayen i liḥala deg wacu tella tmurt. Sebba n waya daɣen d tikkin n uwanak s ufrin-s Butefliqa i tikkelt tis semmus.

Asunded-a amatu d array n tririt i wid as-yeqqaren aɣref Azzayri yebɣa tikkin n Butefliqa i tikkelt tis semmus. Imezdaɣ n tɣiwant n Tichy ffɣen-d wrraw-nsen mgal tikkin n uselway n tigduda mass Abdelaziz Bouteflika i tikkelt tis semmus. Imezdaɣ n tɣiwanin-a ffɣen-d ɣer yiberdan ssuddsen-d tikliwin timelwiyin ssuturen abeddel n unagraw aserti n tmurt. Am wakken daɣen ttmeğğiden s uṭixer n uwanak. Asunded-a amatu iswi seg-s s asebgen n lɣiḍ ɣef tikkin n uselway ur d-nban ara ugar n 5 n yiseggasen yerna wid iḥekmen ttmeslayen s yisem-is; belli d aɣref i yebɣan tikkin n Butefliqa i tikkelt tis semmus, daɣen d tasummelt ɣef uqmaḍ n udabu i tlelli n uɣref ɣef lxetyar anwa ara yilin d aɣella fell-as, daɣen liḥala deg wacu tella tmurt s umata.

Asunded-a amatu d azamul n uɣref i ttnaḍaḥen ɣef tlelli-yis. Tekkint deg usunded tgejda n tnezzut n Tichy, acku ẓran, yerna umnen s ubeddel. Imi d win i d lsas n uqeεεed n tmurt-nneɣ. Tameskant-a, ad d-tili d tameskant tasertant, imi tilelli n ugdud akked temεic-it mazal ur d-tuɣal ara d tamεict n umdan ilelli deg wakal-is. Deg usended-a kkin deg-s aṭas n yimsenza, syin rran ɣer tikli tamelwayt.

D lwajeb asirem ad d-yili, deg wulawen ad d-yefti, ɣas akken lwaεed iteqqes. Abrid n umennuɣ ɣef tlelli n ugdud seg leḥkem amesbaṭli mazal ɣezzifit, ɣas akken yeččur d uguren n yisegral, meεna d lwajeb fell-aɣ merra ad neḍfer abrid-a n umennuɣ.

Nacer AKOUCHE

A propos de l'auteur

Amaziɣ Illeli