Tamazight

Bgayet: Tasdawit-nneɣ ur tqebbel ara ddel

Bgayet: Tasdawit-nneɣ ur tqebbel ara ddel
Ecrit par Boukhelifa Zahir

Deffir n wayen yeran d yimeɣnasen deg Lezzayer tamanaɣt sɣur kra n yifassen n laman deg lkumisariya n Lberraqi. Imi ttεeddan ɣef lerma n teqcicin akked warrac yettwaṭṭffen deg lbael. Tasebit n wass-a ffɣen-d yinelmaden n tesdawit n Bgayet mgal tameqranit i d-yeɣlin deg tmurt. Daɣen s uberre n Bensale i d-yeffɣen mgal lebɣi n ugdud, deffir n tekliwin timelwayin i ye

ran deg waas n lwilayat n tmurt deg wussan yezrin. Daɣen ilmend n uwexxer n waas n yiselwayen n tɣiwanin seg uheyyi n tefranin tiselwayin ara yilin ass n 04 deg yulyu i d-iteddun.

Inelmaden d yiselmaden n tesdawit n Bgayet, ffɣen-d ɣer yiberdan ssuddsen-d tikli tamelwayt mgal tawaɣit-a i ye

ran deg tmurt. Iswi amatu seg tikli-ya d asebgen n lɣiḍ ɣef temḥeqranit n uwanak i yilmeẓyen yettwaṭṭffen deg lbaṭṭel. Daɣen taserti n udabu mgal lebɣi n uɣref. Daɣen d tasummelt ɣef uqmaḍ n udabu i tlelli n uɣref syin addad deg wacu tella tmurt s umata.

Tikli-ya teḍra deg tlemmast n lawilaya n Bgayet, tekkin deg-s tgejda n umussu asertan, ama d inelmaden neɣ d iselmaden acku ẓran, yerna umnen belli ilaq ad d-yili ubeddel deg waddad n tmurt seg uar, mačči s tefranin tucmitin ara tbeddel tikli n tmurt. Inelmaden n Bgayet am yal tikkelt ttilin mgal lbaṭṭel d temeqranit akked tsertit n uwanak, imi umen belli ma yella sussmen ɣef yizerfan-nsen, adabu amesbali am wa, d awezɣi ad asen-t-id-yefk. Ffɣen-d ɣer ubrid s tikli tamelwayt mgal adabu amesbali. Tameskant-a, ad d-tili d tameskant tasertant mgal adabu amhersan yeṭṭfen tisura n leḥkem deg ufus-is seg 1962 ar ass-a, yessaweḍ alammi yečča azref n ugdud, yerna yettmeslay s yisem-is i tmura n berra. Aɣref yeεya seg tsertit tujḥift n uwanak, imi tilelli-yis tettwaqmeḍ, ma yella d tamεict-is mazal ur d-tuɣal ara d tamεict n umdan ilelli. Imekkiyen deg tikli-ya ssawalen s kra n tmenna, am : « Ulac, ulac, ulac ssma, ulac ». ». “Ad nerreẓ wala, ad neknu », « Neεya seg udabu amesbali ». « Ḥebset tameqranit ».

Abrid n umennuɣ ɣef tlelli n ugdud seg lekem amesbali mazal ɣezzifit, ɣas yeččur d uguren n yisegral, meεna d lwajeb fell-aɣ merra ad neḍfer abrid-a n umennuɣ, acku agdud yebran i umennuɣ-is ur yettidir ara deg liser, ad yeqqim d akli n wid it-inebḍen. Win i wumi iruḥ nnif, ad yidir d akli ilebda, ad d-yezdel fell-as ddel d lbaṭel.

Amaziɣ Ilelli

A propos de l'auteur

Boukhelifa Zahir