Kabylie National Politique Tamazight

Tamuɣli : Aɣref yessutur abeddel n liḥala-s

Ecrit par Amaziɣ Illeli

Deg ussenqed “ Sondage” i nexdem deg Facebook, ɣef rray n uɣref deg wayen yerzan abeddel n liḥala, nufa-d, dakken akdud yessutur abeddel n liḥala deg wacu yettidir imi liḥala n tsertit n tmurt texser deg yal taɣult. Tasertit n udabu iḥekmen, tefcel deg yal taɣult, tadamsa, ttrebga, taɣdemt, tilelli n tɣemsa, tilelliyin tizuyaz…

Nga tasleḍt lqayen i ussenqed-a nessaweḍ nesteqsa wid yekkin deg ussenqed iwacu ssuturen abeddel, tuget deg-sen ttmeslayen-d ɣef liḥala n tsertit n tamurt i fcelen. Nnan-d: “ tasertit issemras udabu iḥekmen, ibeyyen-d dakken awanek-a ur yesεi ara akk lebɣi iwakken ad d-yesnerni tamurt deg yal taɣult”. Tarrayt-a n uselḥu n lecɣalat n tmurt, ad tt-yeğğan tegra deg yal taɣult. Timenta n faccal-a d tugin n wenhil i tmuɣliwin d rrayat n yigensasen n uɣref akked wamni ladɣa wid yellan deg yikabaren n tenmegla. Anhil yettmeḥsis kan i yigensasen n yikabaren n udabu, neɣ tikkwal ixeddem akken ad as-yehwa. Awanek ur d-yecliε ara s liḥala n uɣref imi d nutni i yessawḍen liḥala n tmurt ɣer twaɣit deg wacu nettidir tura”. Daɣen ɣas akken ttilint-d tefranin maca ulac deg-sent ssfa, yuɣal uɣref ur yesεi ara awal-is deg tmurt-is, ula d igensasen n yikabaren n wenhil akked waṭas n yimḍebren n tmurt, ğğan agdud yettexbibiḍ deg waṭas n yiɣeblan. Awanek yegzem assaɣen-is merra akked yigensasen unsiben n uɣref ama d igensasen n wamni yettmeslayen s yisem-is, neɣ d inmula, ladɣa anmalu afulman; ama d tin n yineɣmasen, iselmaden, tadawsa… Tasertit-a teğğa tamurt tekcem deg tazɣint talqayant.

Tasertit n uwanek terra tamurt d tagruma n tezɣinin; tazɣint tudmist, tazɣint n tnezduɣt, tazɣint n ufares, tazɣint tasertit, tazɣint timettit. Tesnulfam-d ula d tazɣint n texmam.

Nacer AKOUCHE

A propos de l'auteur

Amaziɣ Illeli