Tamazight

Tasertit: Dda Belεiz, yeddem tabalizt iruḥ

Tayeb Belaiz jette l'éponge sous la pression
Ecrit par Amaziɣ Illeli

Mass Ṭayeb Belεiz, aselway n useqqamu amendawan, yeğğa adeg-s, yeddem tabalizt iruḥ. Deffir n wayen yeḍran deg Lezzayer seg wussan yezrin ar tura akked wayen yessutur uɣlef ilelli s uybeddel n waddad n tmurt seg uẓar. Tasebḥit n wass-a yella-d unejmuε deg useqqamu amendawan deg-s iffeɣ-d uberriḥ s utixer n mass Tayeb Belaiz i yeṭṭffen adeg aselway n useqqamu amendawan ass 21 deg furar yezrin, sdat n uselway yettaxren Butefliqa.

Ass n 16 deg yebrir 2019 deg unejmuε unsib deg tesga n useqqamu amendawan. Membaε-d lemciwra gar yiεeggalen n useqqamu, yeffeɣ-d uselway-is n tebtaṭ n utixer, d tin yesres ɣur uselway n tmurt s lukala Mass Bensalaḥ. Aya ur d-yelli ara kan akka; yella-d deffir n tnekra n uɣref i yebdan deqs aya umazal yettkemmil, daɣen aṭas n yimastanen akked yibukaṭuten d yineflusen i yeddan d uɣref ffɣen-d mgal tasertit n uwanek i yellan mgal lebɣi n uɣref. Daɣen aṭas n yimzarfuyen i yugin ad tekkin deg tefranin tiselwayin ara yilin ass n 4 deg yulyu tid swacu i d-iberreḥ Mass Bensalaḥ deg wussan yezrin.

Amennuɣ mazal yettkemmil ɣas akken yettaxxer Butefliqa, yerna Belεiz, mazal wiyaḍ ad ddmen tabalizt-nsen ad ruḥen, ad n-uɣalen swanis i d-ussan.

Amaziɣ Ilelli

A propos de l'auteur

Amaziɣ Illeli