Politique Tamazight

Tifranin : Ali Ghediri, d inebgi n RAJ

Ecrit par Amaziɣ Illeli

Deg umagrad i d-ittwarun sɣur imselḥu n usebter n tdukkla Raj deg Facebook. Imeslay-d ɣef teẓrigt tis 15 n unmager n tdukkla RAJ ara yilin ass 23 deg furar 2019, daɣen yewwi-d awal ɣef yinebgi n unmager akked usentel n usarag-s.

Ilmend n teẓrigt tis 15 n unmager RAJ i d-tettheyyi tdukkta-ya yal tikkelt. Anmager-a ad d-yilin ass n sem 23 deg furar 2019 ɣef tis 11h00 n tnezzayt deg uxxam n tdukkla i d-yezgan deg ubrid uṭṭun 17 Lεerbi Ben Mhidi, annag wis 03, Lezzayer tamanaɣt. Am yal tikkelt tidukkla RAJ teggar tiṭ s telqay ɣef yisental iceɣben timetti deg yal taɣult.

Tεereḍ imazzagen d yimassanen deg yal taɣult “ tadamsa, tadawsa, tasertit, tussna”. Ma yella d tikkelt-a tenced-d mass Ali Ghediri ufrin i tefranin tiselwayin n 18 deg yebrir i d-iteddun. Mass Ali Ghediri ad d-yawi asarag s uskasi ɣef usentel n tilawt, iceɣben merra Izzayriyen, azwel n usarag-a: “ Addad amatu n tmurt n Lezzayer, akked tefranin tiselwayin i d-iteddun”.

Yenna-d umselḥu n usebter: “ S yiseɣ ameqqran ara ken-id-yenced RAJ ɣer teẓrigt tis 15 n unmager n RAJ ara d-yilin ass n ssebt 23 deg furar 2019 ɣef 11h00, deg uxxam n tdukkla i d-yezgan deg 17 abrid Lεerbi Ben Mhidi, annag wis 3, Lezzayer tamanaɣt. Anmager yesεa iseɣ ad yesnubget mass Ali Ghediri: ufrin i tefranin tiselwayin n wayyur n yebrir i d-iteddun. Mass Ali Ghediri ad yeg asarag-askasi ɣef usntel-a: “Addad amatu n tmurt akked tefranin tiselwayin i d-iteddun”. Yegra-d tiɣri n usnubget yenna-d : “ S yiseɣ ameqqran ara ken-id-nemmager, ansuf yis-wen”.

Nacer AKOUCHE

A propos de l'auteur

Amaziɣ Illeli