Kabylie Tamazight

Tifranin: At Smaεel, asunded amatu, yeẓẓa tuccar-is

Ecrit par Amaziɣ Illeli

Tasebḥit n wass-a txulef tinezzayin-nniḍen, imi uqbel ad yili useffeɣ n yinelmaden seg yiɣerbazen. Yella-d usuddes n usunded amatu sɣur yimezdaɣ mgal tasertit n uwanak deg yal taɣult. Imsenzayen n tɣiwant n At Smaεel gan yiwet n tigawt s wazal-is, imi ula d nutni ttwaḥzen s temḥeqranit n udabu deg wayen yerzan tabzert, daɣen ttwalin s tmuɣli lqayen i liḥala deg wacu tella tmurt. Sebba n waya daɣen d tikkin n uwanak s ufrin-s Butefliqa i tikkelt tis semmus.

Asunded-a amatu d array n tririt i wid as-yeqqaren aɣref Azzayri s umata neɣ Aqbayli ladɣa, ur yeddukkel ara, yebɣa tikkin n Butefliqa i tikkelt tis semmus. Imezdaɣ n tɣiwant n At Smaεel ffɣen-d wrraw-nsen deg tikliwin yezrin i d-yellan mgal tikkin n udabu deg tefranin i d-iteddun s unefran-is Butefliqa i tikkelt tis semmus. Imezdaɣ n tɣiwanin ffɣen-d ɣer yiberdan ssuddsen-d adunded amatu, tiḥuna merra sekrent, ulac ula d yiwet teldi. Imezdaɣ ssuturen abeddel n unagraw aserti n tmurt. Am wakken daɣen ttmeğğiden s uṭixer n uwanak. Asunded-a amatu iswi seg-s d asebgen n lɣiḍ ɣef tikkin n uselway ur d-nban ara ugar n 5 n yiseggasen. Yerna wid iḥekmen ttmeslayen s yisem-is; belli d aɣref i yebɣan tikkin n Butefliqa i tikkelt tis semmus, daɣen d tasummelt ɣef uqmaḍ n udabu i tlelli n uɣref ɣef lxetyar anwa ara yilin d aɣella fell-as, daɣen liḥala deg wacu tella tmurt s umata.

Asunded amatu d azamul n uɣref i ttnaḍaḥen ɣef tlelli-yis. Tekkint deg usunded tgejda n tnezzut n tɣiwant, acku ẓran, yerna umnen s ubeddel. Imi d win i d lsas n uqeεεed n tmurt-nneɣ. Tameskant-a, ad d-tili d tameskant tasertant, imi tilelli n ugdud akked temεic-it mazal ur d-tuɣal ara d tamεict n umdan ilelli deg wakal-is. Deg usended kkin deg-s aṭas n yimsenza. Asunded ad ikemmel alammi d tameddit n wass. Syin yal ass ad d-yili akka alamma d ass n lexmis tameddit. Ulac axeddim, ulac tanezzut.

D lwajeb asirem ad d-yili, deg wulawen ad d-yefti, ɣas akken lwaεed iteqqes. Abrid n umennuɣ ɣef tlelli n ugdud seg leḥkem amesbaṭli mazal ɣezzifit, ɣas akken yeččur d uguren n yisegral, meεna d lwajeb fell-aɣ merra ad neḍfer abrid-a n umennuɣ.

Amaziɣ Ilelli

A propos de l'auteur

Amaziɣ Illeli