Politique Tamazight

Tifranin : Ouyahia Yerna zzit i tmes

Ecrit par Hichem B

Ahmed Ouyahia amaray amatu n ukabar RND, ur d-imeslay ara ɣef Yizzayriyen yunagen ğğan tamurt n lejdud, ğğan imawlan-nsen imi ifuk usirem deg tmurt-a, iḥekmen seg 1962 ar assa. Akken ẓẓran merra Izzayriyen belli tamurt-a tezmer ad d-tili maxir n tmura ɣer wanda ttinigen ama s tesriḥ neɣ mebla tesriḥ, ɣef teflukin n lmut. Yenna-d: “ Izzayriyen yunagen mebla tesriḥ, ma yella wwḍen ɣer lber ur aten-yečči ara lebḥer, yerna ur ttwaṭṭfen ara ɣer leḥbusa, ad ruḥen ad d-xedmen deg tbeḥyar ad d-jemεen ččina akked ṭumatic”.

Deg lawan deg wacu ad d-ilethi netta akked yineɣlafen-is ɣef tifrart n wugur-a. Ad d-inadi ɣef tifrart n yiɣeblan deg wacu yettidir uɣref. Imi d netta i d aneɣlaf amenzu. I tikkelt-nniḍen aneɣlaf amenzu ur yezmir ara ad d-yaf tifrart i wugur-a n lḥeraga,  imi d-yenna deg tefranin yezrin dakken ilaq ad d-tettunefk tedrimt ugar i yilmeẓyen iwakken ad yili usemhez-nsent deg yal taɣul.

Deg tefranin Tiselwayin yezrin amaray amatu n ukabar RND Ahmed Ouahya iwaɛed Izzayriyen s yisem n ukabar-is s usemhez n tmurt ma yella yeffeɣ-d i tikkelt-nniḍen mass Abdelaziz Bouteflika d aselway n tikduda. I tikkelt-nniḍen awanek yedderɣel, yenker tidet yeǧǧa ayen ssuturen Izzayriyen, imi aṭas i yettwalin belli belli lḥeq-nsen yettwačč, awanek iḍewwer s waɛrur.

 

Akouche Nacer

A propos de l'auteur

Hichem B