Kabylie Politique Tamazight

Tifranin tiselwayin : agdud inebḍa am yibawen ɣef lluḥ

Ecrit par Amaziɣ Illeli

Deffir n uberreḥ n usqamu unnig ilelli s tilin n tefranin tiselwayin, aṭas n wudmawen uffiren neɣ wid yettwassnen i ruḥen ɣef uɣlif n daxel iwakken ad jebden tiferrawin n ustenyi i tikkin deg tefranin anda ilaq yal yiwen ad yejmaε 60000 n yizmulen. Tura ugar n 150 n yimefranen i kecmen deg tefranin-a. Llan d imekkiyen deg yikabaren, llan wiyaḍ d ilelliyen.

Deffir n tefranin-a agdud yuɣal inebḍa am yibawen ɣef lluḥ, llan wid yugin atekki n uselway n tigduda n tura amuḍin mass Bouteflika abdelaziz, imi ad t-teğğa tezmert-is anagar ikabaren n uwanak FLN, RND akked yikabaren i d-yefrurin seg uwanak. Kra n wussan ɣer deffir yella-d unejmuε deg Lezzayer tamanaɣt i d-heyyan yikabaren n uwanak FLN akked RND anda i d-jemεen aṭas n medden seg yal lawilaya i d-nan belli d imḥiben akked yimekkiyen deg yikabaren FLN akked RND. Maca tidet tettwaffer aṭas seg wid iḥeḍren skadben fell-asen ur ẓrin ara belli ɣef tmentelt n tefranin i d-ttwajemεen ɣer Lezzayer tamanaɣt. Deg unejmuε-a yella-d uberreḥ s utekki n Bouteflika abdelaziz deg tefranin tiselwayin 2019. Deffir n uberreḥ-a aṭas n yimeɣnasen n tlelli iɣaḍ lḥal am Mokrane Ait Larbi i d-ixedmen tabidyut yenna-d deg-s: “ Ma yella uselway n tigduda d amuddir, ur yemmut ara ad d-yeffeɣ ad imeslay d ugdud. Imi asaḍuf yellan deg tmendawt 2016 yegla-d s tewtilin n utekki deg tefranin tiselwayin”. Tuget n wudmawen yettwassnen ttwanecden-d ɣer tiliẓriyin tusligin ama tid yellan deg Lezzayer neɣ tid yellan berra n Lezzayer, gar wid i d-ibanen deg tiliẓriyin am Ghani Mahdi, Rachid Nekkaz, Ali Benflis, Ali Ghediri.

Ahat d tidet ayen i d-yenna mass Mokrane Ait Larbi belli aselway n tura Bouteflika Abdelaziz, d wiyaḍ i yebɣan ad d-yeqqim deg ukersi n Lmuradiya mačči d agdud ad t-yebɣan. Deg ussan-a aṭas n Yizzayriyen i d-yeffɣen ɣer yiberdan ttεeggiḍen mgal atekki n Bouteflika Abdelaziz deg tefranin n 18 deg yebrir 2019. Llan yikabaren-nniḍen i yigin ad tekkin deg tefranin-a am ukabar FFS. Deg tikli n ujmaε n tferrawin n ustenyi mass Rachid Nekkaz yettwat deg temdint n Tlemsan akked temdint n Ɛin Timucent. Yaḍra anwa yellan deffir n tedyant-a? Agdud yebḍa am yibawen ɣef lluḥ, llan wid i d-ibegnen lɣiḍ-is s tuffɣa ɣer ubrid. Llan wiyaḍ ṭṭfen tiɣmert ssussmen, llan wiyaḍ ttnadin tiɣimit n Bouteflika Abdelaziz deg leḥkem ɣas yemmut, llan wiyaḍ ttnaḍaḥen deffir n yimekkiyen n tefranin-a.

Anwa ara akem-d-iselken a Lezzayer ?

Mazal yettkemmil…

Nacer AKOUCHE

A propos de l'auteur

Amaziɣ Illeli

Leave a Comment