Tamazight Une

Xerraṭa: tikli tamelwit mgal tikkin tis 5 n Butefliqa

Ecrit par Amaziɣ Illeli

Ilmend n tikkin n uselway n tigduda mass Abdelaziz Bouteflika i tikkelt tis semmus, imezdaɣ n tɣiwant n Xerraa ssuddsen-d yiwet n tikli tamelwit i yeran ass-a deg ubrid aɣelnaw N° 09 ɣef tis 09h00 n tsebit. Iswi n tikli-ya d asebgen n lɣiḍ ɣef tikkin n uselway amuḍin ur d-nban ugar n 5 n yiseggasen i tikkelt tis semmus, daɣen d tasummelt « dénonciation » ɣef uqmaḍ n udabu i tlelli n uɣref ɣef lxetyar anwa ara yilin d aɣella fell-as, daɣen liala deg wacu tella tmurt s umata. Tikli-ya ad tili daɣen d tajmilt i wid yefkan tudert-nsen iwakken ad d-yidir mmi-s Uzzayri d ilelli ilebda, am wakken ad tili d asnemmer i kra win iqeddcen ɣef tlelli, tamagit, tumast…

Tekkint deg tikli-ya, tgejda n umussu asertan, acku ẓran, yerna umnen s ubeddel. Imi d win i d lsas n uqeεεed n tmurt-nneɣ. Tameskant-a, ad d-tili d tameskant tasertant akked tmeskant tadelsant, imi tilelli n ugdud akked temεic-it mazal ur d-tuɣal ara d tamεict n umdan ilelli deg wakal-is. Deg tikli-ya tekkin deg-s ugar n 4000 n yimdanen, imekkiyen deg tikli-ya ssawalen s kra n tmenna, am : « Ala, ala, ala i usebded tis 05« . « Ulac, ulac, ulac ssma, ulac ».«  Bouteflika Ya Lmerruli ulac Lεuhda tis 5”. “Ad nerreẓ wala, ad neknu », « Neεya seg udabu-ya ». « Adabu amesbali ». « Ḥebset tameqranit ». Sdat n ladayra, yella-d yiwen n unejmuε d ameqqran. Imsuddsen n tmeskant-a ṭṭfen awal, ssumlen-d tigawin xeddmen At udabu i tmurt deg yal taɣult. Sutren-d, ad d-tili tlelli n ugdud akked tella deg ugraw n Ssumam.

Abrid n umennuɣ ɣef tlelli n ugdud seg lekem amesbali mazal ɣezzifit, ɣas yeččur d uguren n yisegral, meεna d lwajeb fell-aɣ merra ad neḍfer abrid-a n umennuɣ, acku agdud yebran i umennuɣ-is ur yettidir ara deg liser, ad yeqqim d akli n wid ad t-inebḍen. Win umi iruḥ yidles-is, d yiles-is neɣ yettu aẓar-is, ad yeggri deg tatut, ad yezdel fell-as ddel d lbaṭel.

Nacer AKOUCHE

A propos de l'auteur

Amaziɣ Illeli